Skýr umgjörð um þjónustuna

1. Seljandi og þjónustuaðili

Skipulagið er þjónusta á vegum Með Vald ehf. Hægt er að hafa samband í tölvupósti á skipulagid@skipulagid.is, í síma 659 1773 eða með pósti að Smárarima 60, 112 Reykjavík.

2. Bókun og samningsgerð

Bókunarbeiðni sem send er á vefnum er ekki bindandi pöntun og felur ekki sjálfkrafa í sér greiðsluskyldu. Við förum yfir verkefnið og staðfestum skriflega umfang, verð og tímasetningu áður en samningur kemst á.

Samningur telst kominn á þegar viðskiptavinur hefur samþykkt skriflega staðfestingu eða tilboð frá Skipulaginu. Staðfestingin og gildandi skilmálar eru send á varanlegu formi, til dæmis í tölvupósti, svo hægt sé að vista þau.

3. Umfang þjónustunnar

Skipulagið veitir skipulagsþjónustu og ráðgjöf fyrir heimili. Umfang hvers verkefnis, rými, áætlaður vinnutími og verð eru staðfest áður en vinna hefst. Almenn þrif, þvottur, flutningsaðstoð og skipulag fyrirtækja eru ekki hluti af þjónustunni.

Við þurrkum af hillum, skúffum og vinnuflötum eftir þörfum þegar rými er tekið í gegn, en það jafngildir ekki almennri þrifaþjónustu.

4. Aðstæður á verkstað

Þjónustan er ætluð venjulegum íbúðarrýmum. Við tökum ekki að okkur mjög óhreint eða óheilnæmt húsnæði, ófrágengna kjallara, raka geymslu eða sambærileg rými þar sem aðstæður geta haft áhrif á heilsu eða öryggi.

Skipulagið áskilur sér rétt til að hafna verkefni eða stöðva vinnu ef aðstæður reynast aðrar en lýst var, ef vart verður við myglu, meindýr, hættuleg efni, ótryggar aðstæður eða annað sem getur skapað heilsu- eða öryggisáhættu.

5. Verð og greiðslur

Verð á vefnum eru með VSK og miðast við venjulegt umfang. Ef magn hluta, flokkun eða aðstæður kalla á meiri vinnu er nýtt umfang og verð staðfest áður en haldið er áfram. Skipulagsvörur og önnur innkaup greiðast sérstaklega.

Greiðslufyrirkomulag og gjalddagi koma fram í skriflegri staðfestingu eða á reikningi.

6. Eigur og ákvarðanir

Ekkert sem þarfnast mats viðskiptavinar er fjarlægt, gefið eða hent án samþykkis. Fyrir vinnudaginn er ákveðið hvernig ná skuli í viðskiptavin ef spurningar vakna.

Ef hlutir úr öðrum rýmum koma í ljós söfnum við þeim saman í kassa og færum þá í viðeigandi rými. Frágangur þar er ekki hluti af verkefninu nema það hafi verið ákveðið fyrirfram.

7. Hirslur og innkaup

Við nýtum það sem er til þegar það hentar. Ef nýjar hirslur eða skipulagsvörur geta bætt kerfið leggjum við fram tillögur. Engin innkaup eru gerð á kostnað viðskiptavinar án samþykkis.

8. Réttur til að falla frá samningi

Þegar samningur er gerður í fjarsölu eða utan fastrar starfsstöðvar á neytandi almennt rétt á að falla frá honum innan 14 daga frá samningsgerð, án þess að tilgreina ástæðu.

Til að nýta réttinn þarf að senda Skipulaginu ótvíræða yfirlýsingu áður en fresturinn rennur út, til dæmis með tölvupósti á skipulagid@skipulagid.is. Einnig má nota staðlað eyðublað til að falla frá samningi.

Ef óskað er eftir að þjónusta hefjist innan 14 daga frestsins þarf viðskiptavinur að óska sérstaklega eftir því. Ef fallið er frá samningi eftir að vinna er hafin greiðir viðskiptavinur fyrir þann hluta þjónustunnar sem þegar hefur verið veittur. Þegar þjónusta hefur verið veitt að fullu getur rétturinn fallið niður ef viðskiptavinur hefur áður veitt ótvírætt samþykki og viðurkennt að rétturinn falli niður við fulla framkvæmd þjónustunnar.

9. Breytingar og afbókun

Að loknum lögbundnum fresti til að falla frá samningi, eða þegar sá réttur á ekki við eða er fallinn niður, er hægt að breyta eða afbóka staðfesta þjónustu án gjalds með að minnsta kosti 24 klukkustunda fyrirvara. Ef þjónusta er afbókuð með skemmri fyrirvara er innheimt 50% af staðfestu verði verkefnisins.

Við biðjum þig að hafa samband eins fljótt og hægt er ef breyta þarf umsömdum tíma. Ef óviðráðanlegar aðstæður koma upp metum við hvert tilvik sérstaklega. Þessi afbókunarregla takmarkar ekki lögbundin réttindi neytenda.

10. Stafrænt efni og niðurhal

Spjöld og annað stafrænt efni frá Skipulaginu eru ætluð til persónulegra nota. Heimilt er að vista og prenta efnið fyrir eigið heimili, en ekki að selja það, dreifa skránum áfram, birta þær opinberlega eða nýta í atvinnuskyni án skriflegs leyfis.

Höfundarréttur og önnur hugverkaréttindi að efninu tilheyra Með Vald ehf. nema annað sé sérstaklega tekið fram. Sérstakir söluskilmálar verða birtir áður en sala á stafrænum vörum hefst.

11. Myndir og persónuvernd

Myndir sem sendar eru með bókunarbeiðni eru notaðar til að meta verkefnið og undirbúa þjónustuna. Þær eru ekki birtar í markaðsefni eða á samfélagsmiðlum án sérstaks og valfrjáls samþykkis viðskiptavinar.

Með því að senda bókunarbeiðni staðfestir þú að upplýsingarnar séu réttar eftir bestu vitund og að þú hafir kynnt þér þessa skilmála og persónuverndarstefnuna.

12. Kvartanir og úrlausn ágreinings

Ef viðskiptavinur telur að þjónusta hafi ekki verið í samræmi við samkomulag biðjum við hann fyrst að hafa samband á skipulagid@skipulagid.is. Við förum yfir erindið og leitumst við að finna sanngjarna lausn eins fljótt og hægt er.

Takist ekki að leysa úr ágreiningi getur neytandi leitað til Kærunefndar vöru- og þjónustukaupa, eftir því sem málið fellur undir valdsvið nefndarinnar.